Атырау облысы тарихи-өлкетану мұражайы  2016 жылы 23 қыркүйекте №17 мектеп-лицейінің 7-ші сынып оқушыларына Атырау қаласының тарихи жерлеріне шолу экскурсиясын ұйымдастырды. Экскурсия Экспо – 2017 Халықаралық көрмесіне келетін туристтерге Атырау қаласының тарихи ескерткіштері мен орындарын мектеп оқушыларына көрсетіп таныстырумақсатында өткізілді.

Атырау облысы тарихи – тарихи өлкетану мұражайында 2016 жылы 21 қыркүйек сағ:11.00 –де  22 қыркүйек-Қазақстан халықтарының тілдері күніне  орай  Қазақстан халқы Ассамблеясының  «Үлкен ел-Үлкен отбасы» ұлттық жобасы аясында  «Татулықтың тұтқасы – бірліктің бесігі» атты өзге ұлт оқушылары арасында сайыс өткізілді.

Атырау облысы тарихи-өлкетану мұражайында  2016 жылғы 15 қыркүйекте  сағ 15.00-де ҚР Тәуелсіздігінің 25 жылдығына орай «Туған жер-тұғырым» атты  Музейлік квест интеллектуальды байқауы өткізілді.  Мұражайдың экспозициялық  залдарындағы жәдігерлер арқылы  өңіріміздің тарихын жас ұрпаққа насихаттау үшін ұйымдастырылған байқауға қаламыздағы Қ.Дүтбаева атындағы Атырау гуманитарлық колледжі, Агротехникалық колледжі, Каспий өңірінің қазіргі заманғы колледжі,  Атырау мұнай және газ институты студенттері арасынан 3 адамнан құралған  4 топ қатынасты.

Атырау облысы тарихи-өлкетану мұражайының  ұйымдастыруымен 2016 жылғы 2 қыркүйекте сағ: 11.00 –де Ұлы Отан соғысы жылдарында хабар – ошарсыз кеткен атыраулық Тәжіден Хасановты ұрпақтарының іздестіруі нәтижесінде КСРО Қорғаныс министрлігінің мұрағатынан табылған мемлекеттік наградамен марапатталғандығы туралы   құжаттарын мұражай қорына тапсыру мақсатында ұрпақтарымен кездесу шарасы өткізілді.

29 маусымда өлкеміздің қарымды қаламгерлері Педагогика Ғылымдары академиясының Құрметті академигі, филология ғылымдарының докторы, профессор Қадыр Өтегенұлы Жүсіп, ҚР жаратылыстану ғылымдары академиясының академигі, Махамбет атындағы республикалық сыйлықтың лауреаты Өтепберген Әлімгереев, Қазақстанның құрметті журналисі, журналистер одағы сыйлығының лауреаты Төлеген Жаңабаймен мұражай қорын толықтыру мақсатында баспадан жарық көрген кітаптарын тапсыру үшін арнайы кездесу кеші өткізілді.

2016 жылы 6-10 маусым аралығында «Сен Атырау қаласының тарихын білесің бе?» тақырыбында оқушыларға ой-өрістерін кеңейтіп, өлкенің табиғатымен, тарихымен, мәдениетімен таныстыру арқылы мұражайға қызығушылықтарын дамыту мақсатында танымдық экскурсия ұйымдастырылды.