21 наурыз - "Ұлттық тағамдар күніне" орай Атырау облысы тарихи-өлкенату музейі "Ұмытылмаған ұлттық тағамдар" тақырыбында онлайн көрме өткізді. Көрме барысында әлеуметтік желі қолданушыларына қазақтың табақ тарту ерекшеліктері мен ережелері туралы түсінік беріліп, музей қорындағы ет тағамдарының муляжы көрсетілді. 

Наурыз мейрамын атап өту тұжырымдамасы аясында 19 наурыз – «Шымырлық пен шеберлік» күніне орай Құрманғазы аудандық музейінің ұйымдастыруымен «Ойын ойнап, ән салмай, өсер бала болар ма?» тақырыбында мектеп оқушылары арасында ұлттық ойындардан сайыс ұйымдастырылды.

17 наурыз күні М.Өтемісұлы атындағы әдеби-мемориалдық, тарихи қорық-музейінде Ұлыстың ұлы күні Наурыз мерекесін тойлауға арналған 10 күндік аясында Тарихқа тағзым күні Махамбеттің өлеңдерін мәнерлеп оқуға арналған «Мен егеулі найзамын егескенге» тақырыбымен әдеби шара болып өтті.

18 наурыз «Игі істер күніне орай» Атырау облысы тарихи-өлкетану музейінің қызметкерлері «№3 арнаулы әлеуметтік қызметтер көрсету орталығының» тәрбиеленушілері үшін арнайы «Біз біргеміз» көшпелі көрмесін ұйымдастырды.

2021 жылдың 16-шы наурыз күні сағат Атырау облысы тарихи – өлкетану музейінің Палеонтология бөлімшесінде мезозой эрасының бор дәуірінде тіршілік еткен жануарлар әлеміне саяхат жасау, оқушыларды жойылып кеткен жануарлар туралы жаңа мәліметтермен таныстырып, олардың жойылып кету себептері жөнінде мағлұматтар бере отырып,  теңізде тіршілік еткен жануарлар әлеміне деген қызығушылықтарын арттыру мақсатында ZOOM бейнебайланыс бағдарламасы арқылы "Бор тауларының құпиясы " тақырыбында  танымдық  сабақ өткізді.

16 наурыз Шежіре күні.