Атырау облыстық тарихи-өлкетану музейінде Атырау облысынан табылған археологиялық ескерткіштерді таныстыру мақсатында «The archeological monuments of Atyrau region» тақырыбындағы ағылшын тілінде танымдық сабақ өткізілді. Сабаққа Атырау қаласындағы химия-биологиялық бағытындағы Назарбаев зияткерлік мектебінің 9 «Е» сынып оқушылары және кураторы Жансая Баязитова қатысты. Сабақ барысында оқушылар өлкеміздің тарихымен танысып,көптеген сұрақтарына жауап алды. Танымдық сабақты жүргізген экскурсовод Нұргүл Шалимова сабаққа белсенді қатысқан оқушыларға музейге кіру абономентін табыстады.