2019 жылдың  4 сәуірінде Атырау облысы тарихи-өлкетану музейінде  ҚР Тұңғыш Президенті  Н.Назарбаевтың  «Ұлы даланың жеті қыры» мақаласындағы «Ұлы Жібек жолы» бағыты аясында ортағасырлық Ақтөбе-Лаэти қаласынан қазба жұмыстары нәтижесінде табылған музей қорындағы археологиялық құнды  жәдігерлерді  насихаттау мақсатында  «Ақтөбе-Лаэти»  көрмесінің  ашылуы  өткізіледі.

Тұңғыш Президентіміз Н.Назарбаевтің  жолдаған «Ұлы даланың жеті қыры»  мақаласына орай  2019 жылдың 28 наурыз және 1 сәуір  күндері «Туған жер – тұғырым» тақырыбы аясында музейлік квест-3 интеллектуалды байқауының іріктеу кезеңдерін ұйымдастырды.

     13 наурыз 2019 жылы Елбасының «Болашаққа бағдар: рухани жаңғыру» және «Ұлы даланың жеті қыры» бағдарламалық мақалаларына орай ұлтымыздың ұлы құндылықтарының бірі – бата беру дәстүрін дәріптеу, жаңғырту және жас ұрпақты адамгершілікке, рухани тазалыққа, имандылыққа, әдептілікке тәрбиелеу, ел арасында бата берушілерді насихаттау мақсатында Республикалық «Ардагерлер Ұйымы» Орталық кеңесі және Атырау облысы әкімдігінің ұйымдастыруымен бата беруші ардагерлер арасында өткен «Батаменен ел көгерер» республикалық ашық байқауы  өткізілді.

2019 жылдың 5 наурызында Елбасы Н.Назарбаевтың «Ұлы даланың жеті қыры» мақаласындағы «Ұлы даладағы ежелгі металлургия» бағыты бойынша қазақ халқының зергерлік өнері туралы түсінік беру, зергерлік өнердің тылсым құпияларын ашу, музей қорындағы жинақталған зергерлік бұйымдардың жасалу жолдары мен әртүрлі өрнектердің сырына үңіле отырып, ұрпақтан – ұрпаққа  жалғасып  келе  жатқан зергерлік өнерді насихаттау және үйрету мақсатында  «Алтын оймақ» қолөнер үйірмесінде Халықаралық және республикалық қолөнершілер байқауының жеңімпазы, қолөнер  шебері  Қайрат Шапабаевтың «Зергердің өзі – көненің көзі» тақырыбында зергерлік бұйымдар жасаудан шеберлік сағаты өткізілді.

2019 жылдың 21 ақпанында Ұлы даламыздың қасиетті жерлерін дәріптеу мақсатында «Қазақстанның киелі жерлерінің географиясы» жобасы шеңберінде ІІІ Халықаралық Өлкетанушылар форумы өтті. 

 2019 жылы 13 ақпанда 2018 жылдың жылдық  жоспарына сай ғылыми қорды толықтыру мақсатында музей қорына қабылданған   жәдігерлерден "Музей қорына 2018 жылы қабылданған жәдігерлер" атты көрме өткізілді