Атырау облысы тарихи – өлкетану музейіне қарасты палеонтология бөлімшесінде 2016 жылғы 13 қазанда мүгедектер күніне орай мүмкіндігі шектеулі жандарға көтеріңкі көңіл сыйлау, ізгілік пен мейірімділікті насихаттау, мұқтаж жандарға қайырымдылық жасау арқылы рухани құндылықтардың маңыздылығын ашып көрсету, қайырымдылық шараларын ұйымдастыру мақсатында «Бор дәуірінің фаунасы» атты «Ашық есік күні» ұйымдастырылды.

Атырау облысы тарихи-өлкетану музейінде  2016 жылғы 5-6 қазанда №17 мектеп-лицейінің және №2 орта мектептің 6-7 сынып оқушыларына Атырау қаласының тарихи жерлеріне шолу экскурсиясы ұйымдастырылды. Экскурсия «Қазақстанның мәдени мұрасы» акциясы аясында Атырау қаласының тарихи ескерткіштері мен орындарын мектеп оқушыларына көрсетіп таныстырумақсатында өткізілді.

Атырау облысы тарихи – өлкетану музейінде Қала күніне  орай 2016  жылғы  4 қазанда  19.00 - 23.00 сағат аралығында  «Музей түні» мерекелік шарасы өткізілді.

Шара барысында музей қонақтарына зергер, қолөнер шебері Қайрат Шапабаевтың зергерлік бұйымдарынан көрме және шеберлік сағаттары, Құрманғазы мәдениет сарайы өнерпаздарының концерті, «VERO Modelz» сән агенттігінің модельерлері ҚР Суретшілер одағының мүшесі Г.Махамбетованың сән үлгілерінен дефиле, Н.Жантөрин атындағы филармония жанынан құрылған «Мұрагер» фольклорлық ансамблінің концерті, квесттік ойындар ұйымдастырылды.

Атырау облысы Мәдениет, мұрағаттар және құжаттама басқармасы, Атырау облысы тарихи-өлкетану мұражайы және Исатай аудандық әкімдігінің  ұйымдастыруымен 2016 жылғы 30 қыркүйекте халық батыры Исатай Тайманұлының туғанына 225 жыл, 1836-1838 жылдардағы ұлт–азаттық көтерілістің 180 жылдығына  орай  «Тарих және тұлға»  тақырыбында Исатай ауданы, Аққыстау селосындағы «Жалын» мәдениет үйінде  аймақтық ғылыми – практикалық  конференция өтті.

28 қыркүйек күні Абай жалпы орта мектебі оқушыларының қатысуымен «Ата дәстүрін ардақтау-ұлттық салт» атты тақырыптық сағаты  және жергілікті ағаш шебері Т.Жүмалиевтың ағаш бұйымдар коллекциясы бойынша «Ата кәсіп ұрпаққа аманат» атты  шеберлік сағаты өткізілді.

28 қыркүйек Бүкіләлемдік теңіз күніне орай Атырау облысы тарихи –өлкетану мұражайы табиғи ресурстар және табиғат пайдалануды реттеу басқармасымен бірлесе отырып, 2016 жылдың 27-ші қыркүйегінде «Каспий теңізінің экологиясы» атты дөңгелек үстел ұйымдастырды.