Атырау облысы әкімдігі, Атырау облысы Мәдениет, мұрағаттар және құжаттама басқармасының қолдауыменАтырау облысы тарихи-өлкетану музейінің ұйымдастыруымен  2017 жылы  30 – 31 наурыз  күндері сағ: 10.00 - 17.00 аралығында мемлекеттік музейлердің экскурсия жүргізушілері арасында «Үздік экскурсия жүргізушісі - 2017» облыстық байқауыөткізілді.

Атырау облысы тарихи-өлкетану музейінде 2017 жылы 26 наурызда  сағ 11.00 және 15.00-де «Барлық отбасымен музейге» бағдарламасы аясында «Мақта қыз бен мысық» ертегісінің театрландырылған қойылымы өткізілді. Ертегі демалыс күндері отбасылық демалыстарды ұйымдастыра отырып ертегі әлеміне қызығушылықтарын қалыптастыру, халқымыздың сүйікті ертегілерін насихаттау арқылы музей жәдігерлерімен таныстыру, ертегі кейіпкерлерін ажырата білуге үйрету, балаларды еңбекке, достыққа, татулыққа тәрбиелеу мақсатында қойылды.

Атырау облысы тарихи-өлкетану музейінде  2017 жылдың 19 наурыз күні сағ.11.00 және 15.00-де «Барлық отбасымен музейге» бағдарламасы аясында Наурыз мейрамына арналған  «Қош келдің, әз – Наурыз» және «Сіз қазақ халқының ырымдары мен тыйымдарын білесіз бе» тақырыбында танымдық экскурсияөткізілді. Экскурсия ересектер мен балаларға қазақ халқының ұлы мерекесі Наурыз мерекесі туралы түсінік бере отырып, халқымыздың салт – дәстүрін бойларына дарыту арқылы, шынайылыққа, адамгершілікке, ұлтжандылыққа тәрбиелеу, ойлау, қабылдау, зейін қабілеттерін дамыту, қазақ халқының ырым – тыйым сөздерінің мән – мағынасымен таныстыру мақсатында ұйымдастырылды.

Атырау облысы тарихи – өлкетану музейінде 2017 жылғы 18 наурызда Қазақстан мұнай өндірісінің майталманы, «Құрмет белгісі» орденінің иегері Бағытжан Есенғалиевтің90 жылдығына орай «Өшпейтұғын артына із қалдырған» атты көрме және еске алу шарасыболып өтті. Шара Б.Есенғалиевтің  Қазақстан мұнай-газ өнеркәсібі саласындағы еңбек жолы мен өмірін жас ұрпаққа үлгі етіп, кеңіненнасихаттаумақсатында өткізілді.

Атырау облысы тарихи-өлкетану музейінде 2017 жылдың 5 наурыз күні сағ. 11.00 және 15.00-де «Барлық отбасымен музейге» бағдарламасы аясында «Ұлт өнерін ұлықтайтын жауһарлар»тақырыбында танымдық экскурсия өткізілді.Экскурсия ересектер мен балаларға музейқорында жинақталған дәстүрлі өнер коллекцияларының ішіндегі қайталанбас туындылардың бірі – зергерлік бұйымдар туралы түсінік бере отырып, экскурсия барысында алған білімдерін пайдаланып, қазақ халқының салт-дәстүрі, әдет – ғұрыптары негізінде ұлттық тәрбиені құрметтеуге, халқымыздың ұлттық қолөнерін қадірлеуге, зергерлік өнерді насихаттау мақсатында ұйымдастырылды.

Атырау облысы тарихи-өлкетану музейінде 3 наурыз 2017 жылғы сағ:11-00-де  Қазақстан  Жазушылар  және Журналистер Одағының мүшесі, Махамбет ауданының Құрметті азаматы, ақын  Жәниба Қарасаеваның 70 жасқа толуына орай «Қазақтың жырға құмар бір қызымын..» атты кездесу өткізілді.