2019 жылы 17 маусымда Қазақстан Республикасының Тұңғыш Президенті, Елбасы Нұрсұлтан Әбішұлы Назарбаевтың Жарлығына сәйкес, 23 маусым-Мемлекеттік қызметшілер күніне орай «Мемлекеттік қызметкердің музейдегі 1 күні» акциясы шеңберінде 4 мемлекеттік қызметкердің музей залдарына экскурсиясы жүргізілді.

Атырау облысы тарихи-өлкетану музейінде 2019 жылдың 14 маусымында  ІІ-ші тоқсан бойынша қор сатып-алу (қор іріктеу) комиссиясының отырысы өткізілді.

 2019 жылдың 31 мамырында "31 мамыр саяси қуғын – сүргін  құрбандарын еске алу" күніне орай, Кеңес заманындағы ашаршылық пен жаппай саяси қуғын-сүргін кезеңін бастан кешірген қазақ зиялыларының елі үшін жасаған игі еңбектерін зерделеу, сонау ауыр жылдарда жазықсыз жапа шекке қайраткерлерді өскелең ұрпаққа дәріптеу, насихаттау мақсатында  «Зұлмат заманның зардабы» тақырыбындағы шара өткізілді.

 Атырау облысы әкімдігінің қолдауымен, Қазақстан Республикасы Ұлттық музейі, Атырау облысы Мәдениет, архивтер және құжаттама басқармасы, Атырау облысы тарихи-өлкетану музейінің ұйымдастыруымен 2019 жылдың мамыр айының 26-29 аралығында Қазақстан Республикасының Тұңғыш Президенті Н.Назарбаевтың «Ұлы даланың жеті қыры» мақаласына орай кәсіби іс-әрекетінде жоғары нәтижелерге жеткен шығармашыл музей мамандарының кәсіби шеберліктерін анықтау мақсатында Қазақстан Республикасының еңбек сіңірген қайраткері, күйші-композитор Нариман Үлкенбайұлы атындағы музей қызметкерлерінің І Республикалық  байқауы  өтті.

2019 жылы 23 мамырда туған өлкеміздің абыройын асқақтатып саналы ұрпақ тәрбиелеген, қыр еліне білімнің шапағатты нұрын сепкен ұстаз Әйіп қажы Бекенұлының қайраткерлік, ағартушылық қызметін насихаттау мақсатында «Ағартушы. Қайраткер. Ұстаз» тағылымдық кездесу шарасы өтті.

 2019 жылы 18 мамырда Халықаралық музейлер күніне орай  «Ұлы даланың ұлы есімдері» музей түні мерекелік шарасы өткізілді.