2020 жылдың 3-4 маусым күндері музей басшысы Р.Харипова, Тарих ғылымдарының кандидаты, археолог М.Қасенов және археология ғылыми зерттеу секторының маманы Б.Жұмабай Атырау облысының Қызылқоға ауданына қарасты сарматтар дәуіріне жататын Миялы қорғандарына жүргізілетін қазбаға орай барлау жұмыстарын жүргізді.

Қазба жұмыстарын Қызылқоға ауданы әкімдігімен және Жастар саясатымен бірлесіп жүргізу жоспарланған. Осыған орай қазбаға қатысатын аудан жастарына түсінік жұмыстары жүргізіліп, еңбек шарттары таныстырылды.