Атырау облысы тарихи - өлкетану музейі 2016 жылғы 17 қарашада сағат 11:00-де «Ерте темір кезеңі ескерткіштері» тақырыбында танымдық сабақ өткізді. Сабақты археология ғылыми-зерттеу бөлімінің маманы М.Әбдіғалиев жүргізді. 

Атырау қалалық білім беру бөліміне қарасты № 9 Ш.Уәлиханов атындағы орта мектептің 6 сынып оқушыларына сабақ барысында Атырау өңіріндегі тарихи-археологиялық орындар туралы мәліметтер беріліп, өлке тарихы мәдени мұраларымыз туралы баяндалып, ежелгі кезеңдерге қатысты облыс аумағындағы археологиялық ескерткіштер туралы слайд көрсетілді.Танымдық сабаққа барлығы 52 оқушы 4 мұғалім қатынасты.Сабақ соңында оқушылардың қызықтырған сұрақтарына жауаптар беріліп, қазба жұмысы кезінде табылған тұрмыстық тас бұйымдарды қолмен ұстап көруге мүмкіншілік берілді.