15 ақпанда Жеңіс саябағында Кеңес әскерлерінің Ауған жерінен шығарылғанына 27 жыл толуына орай Ауғанстан мен тәжік-ауған шекарасында қаза тапқан жауынгерлерге арналған ескерткіш кешенінің тарихы туралы «Жауынгерлер туралы естелік» атты мектеп оқушыларына тарихи – тағылымдық саяхат өткізілді.

Саяхат барысында ауған соғысы ардагерлері мен оқушылар шеруге қатысып, ескерткіштерге гүл шоқтарын қойып, Ауғанстанда қаза болған жауынгерлерді 1 минуттық үнсіздікпен еске алды. Саяхат барысында ауған соғысы ардагерлері бастан өткен өмірінен естеліктер айтып, ескерткішті жасаған мүсіншісі және жобаның авторы туралы тарихи мағұлматтар берілді. Сабаққа Атырау қаласындағы №30 мектеп-гимназиясының оқушылары қатынасты.