рәміздер күні
4 маусымда Атырау облысы тарихи-өлкетану музейінде 4 маусым –мемлекеттік рәміздер күніне орай «Менің елімнің нышандары» атты мерекелік шара өтті.
Шараның мақсаты: Азаматтыққа және отансүйгіштікке, ұлттық мақтанышымызды құрметпен қарап, қастерлей білуге жалпы рәміздер туралы мағлұматтар беріп, танымдық қабілеттерін дамыту бағытында патриоттық шара өткізу болатын.
Мәдени және рухани тәрбиелеу мақсатында бірлесіп өткізу үшін шараға Техникалық реттеу және метрология комитетінің Атырау облысы бойынша департаментінің басшысы-С.Г.Камешева қатынасып, мемлекеттік рәміздердегі өзгертулер мен олардың пайдалану тәртібі туралы баяндап, слайд көрсетті.
Мерекелік шара Мемлекеттік гимнмен басталып, Егемендігіміздің берік негізі-Мемлекеттік рәміздер туралы айтылып, мекеме басшыларының құттықтау сөздерімен аяқталды.
Аталмыш шара екі кезеңге бөлінді. Түске дейін Атырау облысы бойынша ҚАЖ департаменті қызметкерлеріне және түстен кейін Атырау облысының «Мамандырылған күзет қызметі басқармасы» мемлекеттік мекемесіне ұйымдастырылды.