Зергерлік бұйымдар

Музей қорында жинақталған дәстүрлі өнер коллекцияларының ішіндегі қайталанбас туындылардың бірі –бағалы металдар коллекциясы. (зергерлік бұйымдар). Оларға Батыс өңірінің өзіндік стилінде жасалған күміс жүзіктің түрлері, қапсырмалар, өңіржиектер, білезіктер, ер адамның, әйел адамның белбеулері, алтын адамның киімінен табылған алтын әшекейлер, т.б жатады.

 

Д.Нұрпейісованың деңмент белбеуі.

Ұлы композитор, күйші Д.Нұрпейісованыңкүмістелген деңмент белбеуін ұлы М.Нұрпейісов 1965 жылы музейге табыстаған.

 

Құдағи жүзік - дөңгелек пішінді, күмістен соғылған.

Құдағилардың бір-біріне сый-құрметі ретінде екі саусаққа тағылатын жүзік. ХІХ ғасырдың аяғы мен ХХ ғасырдың басында жасалған. Анасынан қалған жүзікті қызы Ғ.Әбілғазиева 1978 жылы музейге тапсырған.

 

Күміс түйме. ХІХ ғасырда Бөкей ордасында белгісіз зергердің қолынан шыққан. Музейге 1971 жылы қабылданған.

 

Қаптырма белдік. ХХ ғ.

Бедерлеме, қоңыр былғарыға күміс пластинкалар бекітілген.

 

Күмістен жасалған өңіржиек. ХІХ ғ.

Өңірге тағылатын әшекей бұйым.1981 жылы Атырау облысы, Құлсары қаласының тұрғыны А.Альжанова музейге тапсырған.

 

Айшық тәрізді қапсырма. ХІХ ғ.

Қала тұрғыны Б.Бекенова 1982 жылы музейге тапсырған.

 

Қапсырма. ХХ ғ.

Қара ала, сіркеленген. Қапсырманың «П.М», «84» деген фабрикада жасалғандығы белгісі бар. 1984 жылы музейге қабылданған.

 

Күмістен соғылған, сопақша пішінді жүзік. ХІХ ғ.

1986 жылы Ж.Алиев музейге тапсырған.

 

Топсалыкүміс қапсырма. ХІХ ғ.

1992 жылы Атырау қаласының тұрғыны М.Бекболаев музейге тапсырған.

 

Топсалы білезіктер.

Шекіме, сіркелеу тәсілімен1929 жылы соғылған. Енесінен қалған мұраны музейге 1999 жылы келіні Ә.Қонбаева тапсырған.

 

Күміс шекеліктер. ХХ ғ.

Самайға тағылған әшекейбұйым. Анасы пайдаланған бұл бұйымды 2000 жылы Атырау облысы, Махамбет селосының тұрғыны С.Орынбасаров музейге тапсырған.

 

Күміс білезік. ХІХ ғ.

Қара бағдарлы, кескіндеме. Атырау облысы, Жылыой ауданындағы Білік деген зергердің қолынан соғылған бұйым. 2011 жылы музейге тапсырылған.

 

Күміс бойтұмар. ХХ ғ.

Екі бөліктен оймышталып, ортасына цилиндр пішінді тұмар немесе дұға салатын етіп, ашылып - жабылатын қақпақты түтікшесі бар, ширатпа әдісімен жасалған. 2001 жылы Қызылорда облысы, Арал қаласының тұрғыны Қ.Құлмамбетов музейге тапсырған.

 

Үкі аяқ, тіс тазалағышымен күміс. ХХ ғ.

Үкі тырнағы тәріздес. Бір тіс тазалағышы және бір құлақ тазалағышы жеті шынжыр арқылы бекітілген. 2002 жылы Алматы қаласының тұрғыны А.Даулетов музейге тапсырған.

«Атырау облыстық тарихи-өлкетану музейі» КМҚК

 

Атырау қаласы, Б. Момышұлы көшесі, 3

Тел. 8 (7122) 32-36-64, 8 (7122) 32-29-12

Email: atyrau-museum@mail.ru